اسرائیلی جارحیت، ایران کی خودمختاری پر حملہ ہے، ساجد نقوی
اسلام آباد (اپنے رپورٹر سے) قائد ملت جعفریہ علامہ سید ساجد علی نقوی نے برادر ملک اسلامی جمہوریہ ایران پر۔۔۔
صیہونی حملے کی شدید الفاظ میں مذمت کرتے ہوئے کہا کہ ایران پر حملہ ایران کی خودمختاری کی صریح خلاف ورزی ہے۔ سامراج کسی کی آزادی کو تسلیم نہیں کرتا، تمام آزادی پسندوں کو اس سامراجی حملے کی کھل کر مذمت کرنی چاہیے، انہوں نے کہاکہ سامراجی حملے سے واضح ہوگیا کہ سامراج اور اس کے پروردہ کبھی بھی دنیا میں امن نہیں چاہتے۔ قائد ملت جعفریہ نے اعلیٰ سرکاری عہدیداروں، بعض کمانڈرز اور چھ سائنسدانوں سمیت سویلین کی شہادتوں پر پاکستانی قوم و ملت کی جانب سے سید علی خامنہ ای سے دلی ہمدردی اور گہرے دُکھ کا اظہار کیا۔ دوسری جانب علامہ سید ساجد نقوی کے اعلان پر ملک بھر کے تمام چھوٹے بڑے شہروں میں ایرانی عوام پر صیہو نی حملے کیخلاف نماز جمعہ کے اجتماعات میں احتجاج کیا گیا۔
