طارق فضل، طلال چودھری کا دورہ جی سکس امام بارگاہ
اسلام آباد(اپنے رپورٹر سے)وزیر مملکت برائے داخلہ طلال چودھری اور وفاقی وزیر ڈاکٹر طارق فضل چودھری نے چیف کمشنر اسلام آباد، آئی جی اسلام آباد اور امام بارگاہ کے منتظمین کے ہمراہ جی سکس کا دورہ کیا۔
مرکزی امام بارگاہ اثنا عشری میں انتظامات سمیت جلوس کے روٹ، سکیورٹی امور اور پارکنگ انتظامات کا جائزہ لیا۔ امام بارگاہ میں وزرا کو بتایا گیا کہ سیف سٹی میں قائم کنٹرول روم سے تمام جلوسوں اور مجالس کی مانیٹرنگ جاری ہے ،محرم الحرام کے دوران شہر بھر میں 181 جلوس اور 965 مجالس منعقد ہوں گی ، 16 ہزار سے زائد پولیس و رینجرز اہلکار فرائض انجام دیں گے ، وزرا کی جانب سے سکیورٹی امور سمیت مجموعی انتظامات پر اظہار اطمینان کیا گیا اور انہوں نے کہا محرم الحرام کے دوران سیکورٹی کے فول پروف انتظامات یقینی بنا ئے جائیں۔
روزنامہ دنیا ایپ انسٹال کریں
