جنسی ہراسیت، بینک ایریا منیجر کی عہدہ سے تنزلی، جرمانہ
اسلام آباد(نامہ نگار)وفاقی محتسب برائے انسدادِ ہراسیت فوزیہ وقار نے نجی مائیکرو فنانس بینک کے ایریا منیجر طارق رضا کو جنسی ہراسیت کا مرتکب قرار دیا اور دو سال کیلئے عہدہ سے تنزلی اور دو لاکھ روپے جرمانہ ادا کرنے کا حکم دیا ہے۔
ایک لاکھ روپے شکایت کنندہ کو بطور ہرجانہ دیئے جائیں گے۔ یہ فیصلہ کام کی جگہ پر خواتین کو ہراساں کرنے کے خلاف تحفظ کے قانون کے تحت سنایا گیا۔ شکایت اسسٹنٹ وائس پریذیڈنٹ، برانچ منیجر کی دائر کی گئی تھی جس میں الزام تھا کہ طارق رضا نے 18ماہ تک مسلسل نامناسب، جنسی نوعیت کے پیغامات بھیجے اور جذباتی دباؤ ڈالنے کی کوشش کی۔ بطور ثبوت واٹس ایپ پیغامات پیش کیے گئے۔ تحقیقات کے بعد ثابت ہوا طارق رضا کا رویہ ایک خوف اور دباؤ سے بھرپور ماحول پیدا کر رہا تھا، جو قانون کے مطابق جنسی ہراسیت کے زمرے میں آتا ہے۔
روزنامہ دنیا ایپ انسٹال کریں
