منشیات کیس کے دو ملزم بری
اسلام آباد(اپنے نامہ نگارسے )انسدادمنشیات کی خصوصی عدالت کی جج ڈاکٹر عابدہ سجاد نے منشیات کے۔۔
مقدمہ میں نامزد دو ملزمان کو بری کرنے کا حکم دے دیا ۔ گز شتہ روز تھانہ اے این ایف راولپنڈی میں درج مقدمہ کی سماعت کے دوران ملزمان حامد خان اور اشفاق خان کی جانب سے دانش اکبر خان ایڈووکیٹ پیش ہوئے اور موقف اختیارکیا کہ ملزمان کو شک کی بنیاد پر گرفتار کیا گیااور بعد ازاں جھوٹا کیس بنایا گیا ،دلائل سننے کے بعد عدالت نے ملزمان کی رہائی کاحکم جاری کردیا۔ ملزمان پر تھانہ اے این ایف راولپنڈی میں درج مقدمہ نمبر۔72/2022 میں 48 کلو چرس ، 10 کلو افیون اور 2 کلو ہیروئن سمگلنگ کا الزام تھا۔
روزنامہ دنیا ایپ انسٹال کریں
