تفریق نہیں کام کی سیاست پر یقین رکھتے ہیں،میئر کراچی

تفریق نہیں کام کی سیاست پر یقین رکھتے ہیں،میئر کراچی

کراچی(این این آئی)میئر کراچی مرتضی وہاب نے کہا ہے کہ ابھی تو پارٹی شروع ہوئی ہے ، ہم کام کر رہے ہیں، کام کا سفر جاری رہے گا۔

 ہم تفریق کی سیاست پر نہیں کام کی سیاست پر یقین رکھتے ہیں۔کراچی کے علاقے میوہ شاہ اوراس کی ملحقہ شاہراہوں کے افتتاح کے موقع پر میڈیا سے بات چیت کرتے ہوئے میئرکراچی مرتضی وہاب نے کہا کہ پہلی بار میوہ شاہ کے علاقے میں پیپلز پارٹی نے کام کرایا ہے ، پیپلز پارٹی نے میوہ شاہ کے علاقے کی تقدیر بدلی ہے ۔آج 35 کروڑ روپے کے منصوبے کا افتتاح کیا ہے ، کروڑوں کا پراجیکٹ عوام کا دیرینہ مسئلہ حل کرنے کے لیے کیا، عوام کی تکلیف دور کرنے کے لیے آر او پلانٹ بھی لگایا ہے ۔بیرسٹرمرتضیٰ وہاب نے کہا کہ 27 دسمبرکو لوگوں نے بڑی تعداد میں شہید بے نظیر بھٹو کی قبر پر حاضری دی، بلاول بھٹو کی قیادت میں پیپلز پارٹی کراچی کی ترقی کے لیے کام کررہی ہے ۔ بلاول بھٹو نے ہمیشہ سوال کیا عوام کے لیے کیا کررہے ہو، بلاول بھٹو کا ایک ایک نمائندہ اس شہر کی خدمت میں مصروف ہے ، بلاول بھٹو عوام کو مسائل سے نکالیں گے ، وہ اور آصف علی زرداری ملک کا مستقبل ہیں۔شہر کے ترقیاتی کاموں کے حوالے سے بات کرتے ہوئے میئرکراچی نے کہا کہ ترقی کا سفراسی طرح سے جاری رہیگا، یوسی ٹاون اور کے ایم سی ہماری ہے شہر ہمارا ہے ،شہر میں کام ہوتا نظر آرہا ہے اور مزید آئے گا۔ ابھی تو پارٹی شروع ہوئی ہے ، ہم کام کر رہے ہیں، کام کا سفر جاری رہے گا۔ 

 

روزنامہ دنیا ایپ انسٹال کریں