انڈس اسپتال کے فیز ون میں 90 بستروں کی ایمرجنسی شروع
کراچی (اسٹاف رپورٹر)سندھ حکومت اور انڈس اسپتال کی شراکت داری سے کورنگی کراسنگ پر نیا انڈس اسپتال قائم کردیا گیا، فیز ون میں 90 بستروں کی ایمرجنسی شروع کر دی گئی جبکہ ایک ہزار 300 بستروں پر مشتمل انڈس اسپتال کا جلد افتتاح کیا جائے گا۔
تفصیلات کے مطابق وزیراعلی سندھ سید مراد علی شاہ نے کورنگی انڈس ہسپتال کا دورہ کیا، انڈس اسپتال کے پروفیسر ڈاکٹر عبدالباری نے وزیراعلیٰ سندھ کو منصوبے کے حوالے سے بریفنگ دی۔وزیر اعلی سندھ مراد علی شاہ نے کہا کہ جناح ہسپتال اور سول اسپتال کے بعد کورنگی انڈس اسپتال شہر کا تیسری بڑا اسپتال ہوگا۔انہوں نے کہا کہ کورنگی انڈس ہسپتال میں مفت علاج مہیا کیا جائے گا، بدین ہسپتال کو بھی انڈس نیٹ ورک چلا رہا ہے ، جوکہ علاج معالجیکی بہترین سہولتیں فراہم کررہا ہے ۔وزیراعلی سندھ نے کہا کہ نرسنگ کو ایک اہم پیشہ بنانا چاہتے ہیں، تاکہ بچے اس جانب زیادہ سے زیادہ رخ کریں، بیرون ملک نرسنگ کے پروفیشنلز کی بہت مانگ ہے۔
