لاڑکانہ:عوام کوا صحت، تعلیم، سہولتوں کی فراہمی ترجیح،ڈپٹی کمشنر
لاڑکانہ (بیورورپورٹ) ڈپٹی کمشنر لاڑکانہ ڈاکٹر شرجیل نور چنا نے کہا ہے کہ سندھ حکومت عوام کو صحت کی بہتر سے بہتر سہولتیں فراہم کرنے اور ترقیاتی اسکیموں کے ذریعے انہیں بنیادی سہولتیں مہیا کرنے کے لیے دن رات کام کر رہی ہے۔
تاکہ عوام ان سہولتوں سے فائدہ اٹھاسکیں اور ان کا معیار زندگی بہتر سے بہتر ہوسکے ۔ ان خیالات کا اظہار انہوں نے رورل ہیلتھ سینٹر گڑھی خدابخش بھٹو، گورنمنٹ ڈسپنسری طیب ،ٹگڑ گاؤں اور تعلقہ رتوڈیرو میں قائم رورل ہیلتھ سینٹرز کے دورے کے دوران کیا۔ اس موقع پر انہوں نے وہاں موجود مریضوں کی عیادت بھی کی اور ان سے علاج معالجے کے بارے میں معلومات حاصل کیں۔ اس کے علاوہ انہوں نے نوڈیرو اور رتوڈیرو شہر میں جاری اور مکمل ہونے والی ترقیاتی اسکیموں کا جائزہ بھی لیا اور کہا کہ سندھ حکومت کا وژن ہے کہ عوام کو صحت، تعلیم اور بنیادی سہولیات کی فراہمی کے لیے دن رات محنت کی جائے تاکہ عوام کو زیادہ سے زیادہ سہولتیں فراہم کی جا سکیں اور وہ خوشحال زندگی گزار سکیں۔ ڈپٹی کمشنر لاڑکانہ ڈاکٹر شرجیل نور چنا نے مزید کہا کہ عوام کو سہولتوں کی فراہمی میں کوئی کسر نہیں چھوڑیں گے ۔
