سابق بیوی اور بچوں کو زندہ جلانے کی کوشش،ملزم گرفتار
لاہور(کرائم رپورٹر)پولیس نے سابق بیوی اور بچوں کو زندہ جلانے کی کوشش کرنے والے ملزم کو گرفتار کر لیا ۔غازی آباد سے خاتون نے 15 ایمرجنسی ہیلپ لائن پر کال کی کہ اس کا سابق شوہر اسے مسلسل ہراساں کر رہا ہے ۔
خاتون کے مطابق ملزم نے مجھے اور بچوں کو پٹرول چھڑک کر آگ لگانے کی کوشش بھی کی،خاتون نے بروقت ہمسائیوں کے گھر پناہ لے کر جان بچائی۔ 15 ایمرجنسی ہیلپ لائن پر کال کے بعد ورچوئل ویمن پولیس سٹیشن نے فوری طور پر پولیس کو موقع پر روانہ کیا۔ترجمان کے مطابق پولیس نے موقع پر پہنچ کر خاتون اور بچوں کو تحفظ فراہم کیا۔ملزم کے خلاف مقدمہ درج کر کے اسے گرفتار کر لیا گیا۔
روزنامہ دنیا ایپ انسٹال کریں
