وزیراعظم عمران خان کا جشن آزادی کے موقع پر قوم کے نام ویڈیو پیغام
![](https://img.dunyanews.tv/news/2020/August/08-14-20/news_big_images/559091_72846123.jpg)
پاکستان
اسلام آباد: (دنیا نیوز) وزیراعظم عمران خان نے 74ویں جشن آزادی پر قوم کے نام ویڈیو پیغام میں کہا ہے کہ عوام کیلئے خوشخبری ہے کہ ملکی حالات بہتر ہو رہے ہیں، کورونا کیخلاف جنگ ابھی نہیں جیتی، شہری ماسک استعمال کریں۔
وزیراعظم عمران خان نے کہا کہ قوم کو 74 ویں یوم آزادی پر مبارکباد پیش کرتا ہوں، قائد کے پاکستان کی طرف ہمارا سفر شروع ہو چکا ہے۔ ایسا پاکستان جس میں تمام شہریوں کے لیے قانون کی یکساں حکمرانی ہو۔ جب ہمیں حکومت ملی بڑے مشکل حالات تھے۔ 2 سال کی جدوجہد کے بعد معیشت بحالی پر قوم کو مبارکباد پیش کرتا ہوں، سستی بجلی بنانے کے نئے معاہدے کئے ہیں جس سے گردشی قرضوں میں کمی آئے گی۔اب حالات بہتری کی جانب گامزن ہیں۔ تعمیراتی شعبے میں بہتری سے معیشت بہتری ہو رہی ہے۔ اصلاحات کا اگلا ہدف بجلی کی تقسیم کا نظام ہے۔
This was my main message to our youth in our Dharna and it remains an invaluable lesson for our youth today. pic.twitter.com/jIQy5Lrare
— Imran Khan (@ImranKhanPTI) August 14, 2020
انہوں نے کہا کہ پوری قوم کشمیریوں کی حق خودارادیت کی جدوجہد میں متحد کھڑی ہے، ہم کشمیریوں کو ہرسطح پر ہر قسم کی مدد فراہم کریں گے، کشمیری بھارت کے غیرقانونی قبضے کےخلاف بہادری سے لڑرہے ہیں۔
I congratulate the nation on successfully tackling COVID19 by protecting our poor through cash support & smart lockdowns & by being able to reduce our overall cases.
— Imran Khan (@ImranKhanPTI) August 14, 2020
I congratulate nation bec we are fixing the damaging structure we inherited in our Power sector. After long negotiations we have signed new agreement with IPPs which will bring down cost of power generation & reduce circular debt. Next reform target is power distribution system.
— Imran Khan (@ImranKhanPTI) August 14, 2020
قبل ازیں وزیراعظم کا کہنا تھا کہ گزشتہ ستر سالوں سے ہمیں بہت سے چیلنجز کا سامنا رہا ہے، ہماری قوم نے ہمسایہ ملک کی دشمنی، دہشت گردی کا بہادری سے مقابلہ کیا ہے، قدرتی آفات، وبائی امراض کا بھی ہماری قوم نے ہمیشہ استقامت سے مقابلہ کیا، ہم مستقبل میں ہر مسئلے کا ڈٹ کر مقابلہ کرنے کو تیار ہیں۔
عمران خان کا کہنا تھا کہ آج کا دن قائد کے نظریے پر عمل پیرا ہونے کیلئے عہد کرنے کا دن ہے، گزشتہ 70 سال میں ملک کو بہت سے چیلنجز کا سامنا رہا، ہم نے اندرونی اور بیرونی محاذوں پرجنگ لڑی، قوم نے دہشت گردی کا بہادری سے مقابلہ کیا، ہم آج عہد کرتے ہیں کہ ہمیشہ ثابت قدم رہیں گے، ایک ایسا نظام بنانے کی کوشش کر رہے ہیں جہاں قانون کی حکمرانی برقرار ہے۔
انہوں نے کہا کہ آج کے دن ہمارا دل مقبوضہ کشمیر میں اپنے بھائیوں کے دکھ میں غمزدہ ہے، وادی میں گزشتہ ایک سال سے فوجی محاصرہ جاری ہے، ہم مقبوضہ کشمیر میں انسانی حقوق کی پامالیوں سے متعلق بتاتے رہیں گے، ہمیں یقین ہے بہادر کشمیریوں کی حق خودارادیت کے لیے جدوجہد کامیاب ہو گی۔