شوبز شخصیات کی جانب سے عوام کو جشن آزادی کی مبارک
![](https://img.dunyanews.tv/news/2020/August/08-14-20/news_big_images/559131_61997870.jpg)
تفریح
لاہور: (ویب ڈیسک) ملک بھر سمیت دنیا بھر میں پاکستانی 14 اگست کو ملک کا 74 واں جشن آزادی بھرپور جوش و جذبے کے ساتھ منا رہے ہیں اور کورونا کے باعث تقریبات کو محدود رکھا گیا ہے۔ تو وہیں پر شوبز شخصیات نے پاکستانیوں کو جشن آزادی کی مبارکباد دی۔
کورونا کی وبا کے باعث جہاں تقریبات کو محدود رکھا گیا ہے، وہیں تقریبات میں سخت احتیاطی تدابیر کو بھی اختیار کیا جا رہا ہے۔
ملک کے 74 ویں جشن آزادی کے موقع پر جہاں صدر، وزیر اعظم، آرمی چیف سمیت دیگر اعلیٰ حکومتی عہدیداروں نے عوام کو مبارک باد پیش کی، وہیں سیاسی و سماجی شخصیات کی طرح شوبز شخصیات نے بھی اپنے مداحوں کو وطن کے جنم دن پر مبارک باد پیش کی۔
اداکار شان شاہد نے وطن سے محبت کا اظہار کرتے ہوئے اپنی ٹوئٹ میں ملک سے مخاطب ہوتے ہوئے لکھا کہ پاکستان ان کا پیار، ان کا جذبہ، ان کی حب الوطنی اور وہ دعاگو ہیں کہ ساری قوم سبز و سفید رنگ کے پرچم میں یوں ہی متحد رہیں۔
شان شاہد نے اس موقع پر وطن سے ہمیشہ محبت کرنے اور اس پر جان نثار کرنے کا عہد بھی کیا۔
Happy Birthday #Pakistan ️ My love , my passion & my patriotism is what I bring for you as gifts . I pray that we unite in the love of the #green&white . And remember this day everyday of our lives . I take an oath to protect you and love you always.️ pic.twitter.com/EyZazKThHF
— Shaan Shahid (@mshaanshahid) August 13, 2020
اداکارہ وینا ملک نے بھی ٹوئٹر پر اپنی مختصر ویڈیو شیئر کرتے ہوئے قوم کو جشن آزادی کی مبارک باد پیش کی۔
#PakistanZindabad #IndependenceDay2020 pic.twitter.com/0ZCwn56Coy
— VEENA MALIK (@iVeenaKhan) August 13, 2020
مختصر ویڈیو میں وینا ملک ملی نغمے پر سبز حلالی پرچم کو چومتی دکھائی دیں۔
حمزہ علی عباسی نے بھی جشن آزادی کے موقع پر وطن اور عوام کو مبارک باد پیش کی اور انہوں نے اپنی ٹوئٹ میں دعا کی کہ خدا ہم سب کو وطن سے محبت کے پیغام کو سمجھنے کی توفیق عطا فرمائیں اور ہمارا وطن سلامت رہے۔
#HappyBirthdayDearPakistan May Allah give us all taufeeq to make him the center of our existence and understand his message with all our honesty. May Allah bless Pakistan.
— Hamza Ali Abbasi (@iamhamzaabbasi) August 13, 2020
اداکار اعجاز اسلم نے بھی یوم آزادی کے موقع پر مداحوں اور عوام کو مبارک باد دیتے ہوئے وطن کی سلامتی کی دعائیں کیں۔
I love my country I love my people PAKISTAN ZINDABAD...HAPPY INDEPENDENCE DAY #HappyBirthdayDearPakistan #IndependenceDay #pakistanfirst #aijazaslam #lovepakistan #pakistan #pakistani #14thaugust2020 #14thAugust #14thAugustAzadiDay #PakistanZindabad #independencedayPakistan pic.twitter.com/iJQtHbDxah
— aijaz aslam (@aijazz7) August 14, 2020
معروف اداکار عدنان صدیقی نے بھی 74 ویں جشن آزادی کے موقع پر جذباتی پیغام جاری کرتے ہوئے ٹوئٹ میں ایک ویڈیو بھی شیئر کی۔
As we celebrate our 74th I’ Day, I cannot but feel an overwhelming sense of pride towards our country. History is replete with heroic struggles of our ancestors who martyred themselves selflessly so that us, the future generations, could enjoy the fruits of an independent nation. pic.twitter.com/kPJKCatC9t
— Adnan Siddiqui (@adnanactor) August 13, 2020
عدنان صدیقی نے لکھا کہ وہ بیان نہیں کرسکتے کہ انہیں اپنے وطن پر کتنا فخر ہے، ساتھ ہی انہوں نے لکھا کہ وطن کی آزادی کے لیے تاریخ ہمارے آباؤ اجداد کے خون سے بھری پڑی ہے۔
اداکار و میزبان ثمینہ پیرزادہ نے مختصر ٹوئٹ میں پاکستان زندہ آباد کا نعرہ لگاکر عوام کو مبارک باد پیش کی۔
Pakistan Zindabad
— Samina Peerzada (@SaminaSays) August 13, 2020
اداکار و میزبان فہد مصطفیٰ نے بھی اپنی ٹوئٹ میں عوام کو جشن آزادی کی مبارک باد پیش کی۔
تمام اہل وطن کو جشن آزادی پاکستان مبارک ہو. pic.twitter.com/t1iNUZw6Sb
— Fahad Mustafa (@fahadmustafa26) August 13, 2020
اداکارہ حمیمہ ملک نے بھی جشن آزادی کے موقع پر مداحوں کو مبارک باد پیش کی اور سبز حلالی پرچم کی تصویر بھی شیئر کی۔
اداکارہ نے تصویر شیئر کرتے ہوئے لکھا کہ ان کی پہچان پاکستان کے علاوہ کچھ بھی نہیں۔