عالمی و مقامی مارکیٹوں میں سونا مزید سستا ہوگیا
کراچی: (دنیا نیوز) عالمی مارکیٹ میں سونے کی قیمتوں میں کمی کے باعث پاکستان میں بھی سونے کے نرخ کم ہوگئے۔
بین الاقوامی بلین مارکیٹ میں آج فی اونس سونے کی قیمت میں 10 ڈالر کی کمی ریکارڈ ہوئی، جس کے نتیجے میں نئی عالمی قیمت 4ہزار 396ڈالر کی سطح پر آگئی جبکہ پاکستان میں فی تولہ سونے کی قیمت میں ایک ہزار روپے اور دس گرام سونے کی قیمت میں 857 روپے کی کمی ریکارڈ کی گئی۔
قیمتوں میں کمی کے باعث مقامی صرافہ بازاروں میں فی تولہ سونے کی قیمت 4 لاکھ 62 ہزار 136 روپے اور دس گرام سونے کی قیمت 3 لاکھ 96 ہزار 207 روپے کی سطح پر آگئی ہے۔
دوسری جانب سونے کی قیمت میں کمی کے برعکس فی تولہ چاندی کی قیمت 10 روپے اضافے کیساتھ 7 ہزار 69 روپے اور دس گرام چاندی کی قیمت 9 روپے اضافے کیساتھ 6 ہزار 60 روپے کی سطح پر پہنچ گئی ہے۔
Comments / رائے دیں
Share your thoughts. Comments are reviewed before they appear publicly.
Approved Comments