بھلوال :نامعلوم افراد کی فائرنگ سے کار سوارجاں بحق، ملزموں نے جاتے ہوئے آگ لگادی
بھلوال :(دنیا نیوز) نامعلوم افراد کی فائرنگ سے ایک شخص جاں بحق ہوگیا۔
افسوسناک واقعہ دیووال بھکی روڈ پر پیش آیا ، جہاں نامعلوم افراد نے ایک گاڑی پر فائرنگ کردی، فائرنگ سے گاڑی میں موجود شخص موقع پر ہی دم توڑ گیا۔
قتل کے بعد ملزموں نے جاتے ہوئے گاڑی کو آگ لگادی جس سے گاڑی میں موجود شخص جل کر خاکستر ہوگیا، مقتول کی شناخت عنصر جلپانہ ولد سلطان کے نام سے ہوئی۔
واقعہ کی اطلاع ملتے ہی پولیس نے جائے وقوعہ پر پہنچ کر شواہد اکٹھے کر لیے ، پولیس کا کہنا ہے کہ واقعہ دشمنی کا شاخسانہ لگتا ہے۔
