اے این ایف کی کارروائیاں ، منشیات برآمد، 6 ملزمان گرفتار
اسلام آباد : (دنیانیوز) اینٹی نارکوٹکس فورس (اے این ایف) نے مختلف کارروائیوں میں 17.12 کلو گرام منشیات برآمد کرلی جبکہ 6 ملزمان گرفتار کرلیے گئے ۔
ترجمان اے این ایف کے مطابق یہ کارروائیاں راولپنڈی ، کراچی، سیالکوٹ، لاہوراور اسلام آباد میں کی گئیں ، کارروائی میں 9 کلو 600گرام چرس، 3کلو600گرام ہیروئن برآمد کرلی گئی۔
ترجمان کابتانا ہے کہ ایک اور کارروائی کے دوران 3کلو500گرام آئس، 420 گرام افیون برآمدکرلی گئی جبکہ گرفتار ملزم نے تعلیمی اداروں کے طلباء کو منشیات فروخت کرنے کا بھی اعتراف کیا ہے ، گرفتار ملزمان کے خلاف انسداد منشیات ایکٹ کے تحت مقدمات درج کرلیے گئے۔
