معروف سرائیکی گلوکار ذیشان روکھڑی گرفتار ، ضمانت پر رہا

وزیر آباد:(ویب ڈیسک)معروف سرائیکی گلوکار ذیشان روکھڑی کو پولیس نے گرفتار کر لیا،عدالت نے ضمانت پر رہا کردیا۔

مقامی طور پر مقبول ہونے والے گلوکار ذیشان روکھڑی نے اس وقت سب کی توجہ حاصل کی جب ان کی گرفتاری کی خبر سوشل میڈیا پر وائرل ہو گئی، گلوکار کو پولیس نے وزیر آباد میں بغیر اجازت تقریب منعقد کرنے پر گرفتار کیا گیا۔

ذرائع کے مطابق ذیشان روکھڑی مہندی کی تقریب میں گلوکاری کا مظاہرہ کر رہے تھے، تاہم لاؤڈ سسٹم لگانے کی وجہ سے گرفتار کیا گیا۔

پولیس کا کہنا ہے کہ ذیشان روکھڑی پر 2 مقدمات درج کیے گئے ہیں، جن میں بغیر اجازت پروگرام کرنے، ساؤنڈ سسٹم ایکٹ کے تحت دفعات شامل کی گئی ہیں۔

دوسری جانب مقدمے میں تقریب میں شامل مزید 12 افراد کو نامزد کیا گیا ہے، بعدازاں پولیس نے معروف گلوکار ذیشان روکھڑی کو علاقہ مجسٹریٹ وزیرآباد کی عدالت میں پیش کر دیا۔

مجسٹریٹ بلال افتخار نے پچاس ہزار روپے کے مچلکوں کے عوض گلوکار ذیشان روکھڑی کی ضمانت منظور کرلی ہے۔

Advertisement
روزنامہ دنیا ایپ انسٹال کریں