عائزہ خان نے ایکٹنگ سکول جوائن کرلیا
لندن: (ویب ڈیسک) پاکستان کی مقبول ترین اداکارہ عائزہ خان نے لندن کے ایکٹنگ سکول میں داخلہ لے لیا۔
حال ہی میں سوشل میڈیا پر تصاویر پوسٹ کرتے ہوئے عائزہ خان نے مداحوں کو خوشخبری سنائی ہے کہ وہ لندن میں ایکٹنگ اکیڈمی میں تعلیم حاصل کر رہی ہیں جو ان کا خواب تھا۔
تصاویر میں دیکھا جا سکتا ہے کہ وہ رائل اکیڈمی آف ڈرامیٹک آرٹس میں ایکٹنگ سیکھنے کے لیے پرجوش نظر آ رہی ہیں۔
.jpg)
ان کا کہنا ہے کہ یہ ان کی خواہش بچپن سے تھی کہ وہ یہاں تعلیم حاصل کریں اور ان کے والدین کی مدد سے آج وہ اپنی خواہش پوری کر رہی ہیں۔
اداکارہ کی یہ پوسٹ سوشل میڈیا پر وائرل ہو رہی ہے، مداحوں اور سوشل میڈیا صارفین نے عائزہ کی اس کوشش کو سراہا اور انہیں مزید کامیابیوں کی دعائیں دیں۔
یاد رہے کہ اداکارہ عائزہ خان نے 17 سال کی عمر میں اداکاری کی دنیا میں قدم رکھا تھا وہ اداکار دانش تیمور کی اہلیہ ہیں جن سے ان کے دو بچے بھی ہیں۔
