امریکا تاریخ کی کمزور ترین پوزیشن پر ہے: ایرانی صدر
دنیا
ماسکو:(دنیا نیوز) ایرانی صدر ابراہیم رئیسی نے کہا ہے کہ قوموں کی مزاحمت کے نتیجے میں امریکا تاریخ کی کمزور ترین پوزیشن پر ہے۔
روس کی پارلیمنٹ میں خطاب کرتے ہوئے ایرانی صدر نے کہا کہ طاقت کے توازن کو برقرار رکھنے کے لئے امریکا کے خلاف مزاحمت ضروری ہے، امریکا کی قوموں پر قبضہ برقرار رکھنے کی حکمت عملی ناکام ہوچکی ہے۔
ابراہیم رئیسی نے مزید کہا کہ امریکا کا د ہشت گردوں کے ساتھ شیطانی اتحاد قائم ہے، رو س اور ایران نے شام کے محاذ پر تعاون کی نئی مثال قائم کی ہے۔
