نیشنل ڈیزاسٹر مینجمنٹ اتھارٹی نے فلیش فلڈ الرٹ جاری کر دیا
اسلام آباد: (دنیا نیوز) نیشنل ڈیزاسٹر مینجمنٹ اتھارٹی نے فلیش فلڈ الرٹ جاری کر دیا۔
این ڈی ایم اے کے مطابق اگلے تین دنوں کے دوران پنجاب کے اضلاع نارووال اور سیالکوٹ میں ہائی لیول فلیش فلڈنگ کا خدشہ ہے، جموں کے بالائی علاقوں موسلادھار بارشوں کے باعث نارووال اور سیالکوٹ کے ندی نالوں میں سیلاب کا خدشہ ہے۔
نیشنل ڈیزاسٹر مینجمنٹ اتھارٹی کے مطابق نالہ ایک، دائیک اور پلکھو میں شدید طغیانی سے ملحقہ علاقے زیر آب آسکتے ہیں، فلیش فلڈنگ سے ذرائع آمدو رفت میں خلل، عمارتوں، فصلوں اور مویشوں کو نقصان پہنچ سکتا ہے۔
این ڈی ایم اے الرٹ کے مطابق صوبائی ڈیزاسٹر مینجمنٹ اتھارٹیز اور مقامی انتظامیہ کو چوکس رہنے کی ہدایت کی گئی ہے اور کہا گیا ہے کہ خطرے سے دو چار آبادی کی حفاظت کیلئے مناسب اقدامات کئے جائیں۔
