سٹاک مارکیٹ میں مندی، کاروبار کا منفی رجحان رہا
کراچی: (دنیا نیوز) پاکستان سٹاک مارکیٹ میں آج مندی کا رجحان رہا جس کے باعث سرمایہ کاروں کو اربوں کا نقصان برداشت کرنا پڑا۔
کاروباری ہفتے کے پہلے روز ہی پاکستان سٹاک ایکسچینج میں ٹریڈنگ کے آغاز پر 410 پوائنٹس کی کمی جبکہ کاروباری روز کا اختتام 589 پوائنٹس کی کمی کیساتھ ہوا جس کے باعث 100 انڈیکس 77 ہزار 980 پوائنٹس کی سطح پر بند ہوا۔
واضح رہے کہ گزشتہ کاروباری ہفتے کے آخری روز سٹاک مارکیٹ میں کاروبار کا اختتام مثبت زون میں ہوا جس کے باعث 100 انڈیکس 695 پوائنٹس اضافے کے ساتھ 78 ہزار 559 پوائنٹس پر بند ہوا تھا۔
سٹاک مارکیٹ میں آج 11 ارب 17 کروڑ 77 لاکھ 55 ہزار 137 روپے مالیت کے 14 کروڑ 17 لاکھ 71 ہزار 364 شیئرز کا لین دین ہوا۔
