دپیکا اور رنویر نے بیٹی کے نام سے مداحوں کو آگاہ کردیا
ممبئی: (ویب ڈیسک) معروف بالی ووڈ جوڑی دپیکا پڈوکون اور رنویر سنگھ نے بیٹی کے نام سے مداحوں کو آگاہ کردیا۔
دپیکا پڈوکون اور رنویر سنگھ 14 نومبر 2018ء کو رشتہ ازدواج میں منسلک ہوئے تھے جبکہ رواں برس ستمبر میں ان کے ہاں بیٹی کی پیدائش ہوئی تھی جس کے نام کا اب اعلان کر دیا گیا ہے۔
دیوالی کے موقع پر دپیکا اور رنویر نے اپنے سوشل میڈیا اکاؤنٹس پر اپنی بیٹی کی تصویر شیئر کرتے ہوئے مداحوں کو بتایا ہے کہ انہوں نے اپنی بیٹی کا نام "دعا پڈوکون سنگھ" رکھا ہے۔
اداکار جوڑے نے پوسٹ کے کیپشن میں لکھا کہ یہ ہماری دعاؤں کا جواب ہے، ہمارے دل محبت اور شکر گزاری سے بھرے ہوئے ہیں۔
سوشل میڈیا پر شیئر کی گئی تصویر میں ان کی بیٹی نے سرخ لباس پہنا ہوا ہے جس کے ننھے پاؤں دکھائی دے رہے ہیں جبکہ ابھی انہوں نے بیٹی کا چہرہ میڈیا پر نہیں دکھایا ہے۔
