جمعہ کے روز ملک کے بیشتر علاقوں میں موسم سرد اور خشک رہنے کا امکان
اسلام آباد: (دنیا نیوز) محکمہ موسمیات کے مطابق جمعہ کے روز ملک کے بیشتر علاقوں میں موسم سرد اور خشک جبکہ پہاڑی علاقوں میں صبح اور رات کے اوقات میں شدید سرد رہنے کا امکان ہے۔
رپورٹ کے مطابق کشمیر، گلگت بلتستان، شمال مشرقی پنجاب، بالائی خیبرپختونخوا، مری، گلیات اور ملحقہ پہاڑی علاقوں میں ہلکی بارش، ہلکی برفباری کی توقع ہے۔
پنجاب، خیبرپختونخوا کے زیادہ تر میدانی علاقوں اور بالائی سندھ میں صبح ، رات کے اوقات میں سموگ، درمیانی سے شدید دُھند چھائے رہنے کی توقع ہے۔
محکمہ موسمیات کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا، پنجاب کے میدانی علاقوں اور بالائی سندھ میں سموگ، دُھند چھائی رہی۔
آج کم سے کم درجہ حرارت سکردو میں منفی 13، لہہ منفی 12، گوپس منفی 9، استور، گلگت منفی 8، کوئٹہ منفی 6، ہنزہ، قلات، زیارت منفی 5، دیر اور کالام میں منفی 4 ڈگری سینٹی گریڈ ریکارڈ کیا گیا۔
