امریکی صدر جوبائیڈن اور ٹرمپ کے درمیان اہم ملاقات آج، داخلی، خارجی امور پر بات ہوگی
واشنگٹن: (دنیا نیوز) امریکی صدر جوبائیڈن اور نومنتخب صدر ڈونلڈ ٹرمپ کے درمیان اہم ملاقات آج ہوگی۔
امریکی صدر جوبائیڈن اور نومنتخب صدر ڈونلڈ ٹرمپ کے درمیان ملاقات کے دوران امریکا کے اہم ترین داخلی اور خارجہ پالیسی کے امور پر بات ہوگی، جوبائیڈن نومنتخب صدر ڈونلڈ ٹرمپ سے ملاقات میں یوکرین کو تنہا نہ چھوڑنے پر زور دیں گے۔
صدر منتخب ہونے کے بعد ڈونلڈ ٹرمپ کو عدالتی ریلیف بھی ملنا شروع ہوگیا، نیو یارک ریاست کے جج نے استغاثہ کی درخواست پر ٹرمپ ہش منی فوجداری کیس کی کارروائی روک دی۔
سابق امریکی صدر ٹرمپ کو اداکارہ کو رقم دینے سمیت مالی لین دین کے 34 الزامات کا سامنا ہے۔
