ہفتہ کے روز ملک کے بیشتر علاقوں میں موسم سرد اور خشک رہنے کا امکان
اسلام آباد: (دنیا نیوز) محکمہ موسمیات کے مطابق ہفتہ کے روز ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد اور مطلع ابر آلود رہنے کا امکان ہے۔
رات اور صبح کے اوقات میں پنجاب، بالائی سندھ اور خیبر پختونخوا کے میدانی علا قوں میں دُھند چھائے رہنے کی توقع ہے۔
صبح کے وقت اسلام آباد، خطہ پوٹھوہار اور خیبر پختونخوا کے چند میدانی علاقوں میں کہرا پڑنے کی توقع ہے۔
آج ریکارڈ کئے گئے کم سے کم درجہ حرارت کے مطابق لہہ، سکردو منفی 12، گلگت منفی 8، گوپس، قلات منفی 7، استور، کوئٹہ، زیارت منفی 6، بگروٹ، چترال، دیر، کالام منفی 5 ، راوالاکوٹ اور ہنزہ میں منفی 4 ڈگری سینٹی گریڈ ریکارڈ کیا گیا۔
