کراچی: کرسمس کی تقریب میں ہوائی فائرنگ، 2 نوجوان زخمی
کراچی: (دنیا نیوز) شہر قائد کے علاقے کورنگی میں کرسمس کی تقریب کے دوران ہوائی فائرنگ کے باعث دو نوجوان زخمی ہوگئے۔
واقعہ جمعرات بازار کے قریب کوسٹ گارڈ چورنگی پر پیش آیا جہاں مسیحی برادری کے پروگرام کے دوران نامعلوم سمت سے چلنے والی گولیوں نے دو افراد کو نشانہ بنایا۔
چھیپا ریسکیو حکام کے مطابق زخمی نوجوانوں کو فوری طور پر جناح ہسپتال منتقل کر دیا گیا، زخمی ہونے والوں کی شناخت 15 سالہ جیکسن ولد روبن اور سٹیفن ولد سخاوت مسیح کے ناموں سے ہوئی ہے۔
پولیس نے واقعے کا نوٹس لیتے ہوئے تحقیقات شروع کر دی ہیں، ایس ایچ او زمان ٹاؤن رضوان قریشی کے مطابق دونوں نوجوان ہوائی فائرنگ کے نتیجے میں زخمی ہوئے، ہوائی فائرنگ کے ذمہ داروں کے خلاف کارروائی کی جا رہی ہے۔
