خیبرپختونخوا پولیس پر رواں سال 510 حملے، 2791 آپریشنز کیے گئے: سی ٹی ڈی
پشاور: (شہزادہ فہد) خیبرپختونخوا کے محکمہ انسداد دہشت گردی نے بتایا ہے کہ خیبرپختونخوا میں پولیس پر حملوں میں اضافہ ہو گیا، رواں سال پولیس پر 510 حملے کیے گئے۔
سی ٹی ڈی کے مطابق گزشتہ سال پولیس پر 327 حملے ہوئے تھے جبکہ رواں سال 510 حملے ہوئے، رواں سال 25ہائی ویلیو دہشت گرد گرفتار ہوئے جن کے سر پر انعام مقرر تھا۔
خیبر پختونخوا میں رواں سال سی ٹی ڈی انٹیلی جنس آپریشنز کی تعداد میں 3 فیصد اضافہ ہوا، گزشتہ سال 2 ہزار 703 آپریشنز جبکہ اس سال 2,791 آپریشنز کیے گئے۔
گزشتہ سال 744 گرفتاریاں عمل میں لائی گئیں جبکہ اس سال 1 ہزار 244 ملزمان گرفتارہوئے، دہشت گردوں کے خلاف آپریشنز میں گزشتہ پانچ سالوں کی نسبت اس سال 102 فیصد اضافہ ہوا۔
بتایا گیا ہے کہ گزشتہ سال 147 دہشتگرد حملہ ہوئے جبکہ رواں سال 137 ہوئے ہیں، بم دھماکوں کی تعداد 277 سے کم ہو کر 108 رہی، بارودی سرنگیں 420 سے کم ہو کر 43 رہ گئیں۔
سی ٹی ڈی کے مطابق رواں سال دہشتگردی درج مقدمات کی تعداد 50 فیصد اضافہ کے ساتھ 1058 سے بڑھ کر 1588رہی، پولیس فورس نے رواں سال دہشگردی کے 158 حملوں کے جواب میں 320 کارروائیاں کیں۔
