چیف جسٹس لاہور ہائیکورٹ کا جعلی مقدمہ بازی کی روک تھام کیلئے بڑا فیصلہ
لاہور: (محمد اشفاق) چیف جسٹس لاہور ہائیکورٹ عالیہ نیلم نے جعلی مقدمہ بازی کی روک تھام کے لیے بڑا فیصلہ کر لیا۔
چیف جسٹس لاہور ہائی کورٹ عالیہ نیلم کی جانب سے لاہور ہائیکورٹ اور پنجاب کی عدالتوں میں بائیو میٹرک ویریفکیشن سسٹم کا نافذ کر دیا گیا۔
لاہور ہائیکورٹ اور ضلعی عدلیہ میں مقدمات کی دائری کے لئے بائیو میٹرک تصدیق کا نظام نافذ ہوگا، لاہور ہائیکورٹ کی جانب سے فریقین مقدمہ کی بائیومیٹرک تصدیق کو لازمی قرار دیا جائے گا۔
گواہان اور ضامنین کی بھی بائیومیٹرک تصدیق لازمی قرار دی جائے گی، عدالتی بائیومیٹرک سسٹم کو نادرا کے ڈیٹا بیس کے ساتھ منسلک کیا جائے گا، بائیومیٹرک تصدیق کی سہولت نادرا ای سہولت پر بھی میسر ہوگی۔
لاہور ہائیکورٹ لاہور پرنسپل سیٹ اور ملتان، بہاولپور اور راولپنڈی بنچز پر بائیومیٹرک تصدیق کا سسٹم نافذ کیا جائے گا، صوبہ بھر کی تمام ضلعی عدلیہ میں بھی فریقین مقدمہ، گواہان اور ضامنین کی بائیومیٹرک ویریفکیشن ہوگی۔
بائیو میٹرک تصدیق سے جعلی مقدمہ بازی سے نجات ملے گی اور فریقین مقدمہ کو تحفظ حاصل ہوگا، بائیومیٹرک ویریفکیشن کی بدولت جعل سازی کا خاتمہ ہوگا،جعلی گواہان اور ضامنین کا تدارک ہوگا۔
