انگلش ٹیم کو دھچکا، فاسٹ باؤلر گّس ایٹکنسن ایشز سیریز سے باہر
لندن: (ویب ڈیسک) انگلینڈ کرکٹ ٹیم کو ایک اور دھچکا، فاسٹ باؤلر گّس ایٹکنسن ان فٹ ہو کر ایشز سیریز سے باہر ہوگئے ہیں۔
انگلینڈ کرکٹ بورڈ (ای سی بی) کے مطابق گّس ایٹکنسن بائیں ہیمسٹرنگ انجری کا شکار ہوئے ہیں، وہ ایم سی جی میں آسٹریلیا کے خلاف دوسری اننگز میں 5 ویں اوور کے بعد گراؤنڈ سے باہر چلے گئے تھے۔
ای سی بی کا کہنا ہے کہ انگلینڈ 5 ویں ٹیسٹ کیلئے گّس ایٹکنسن کے متبادل کے طور پر کسی کو طلب نہیں کرے گا۔
واضح رہے کہ انگلینڈ نے ایم سی جی میں ایشز سیریز کے چوتھے ٹیسٹ میں کامیابی حاصل کی تھی، ایشز سیریز کا 5 واں اور آخری ٹیسٹ 4 جنوری سے سڈنی میں شروع ہوگا، پانچ ٹیسٹ میچز کی سیریز میں آسٹریلیا کو 1-3 سے برتری حاصل ہے۔
گّس ایٹکنسن سے قبل فاسٹ باؤلرز مارک ووڈ اور جوفرا آرچر بھی انجری کے باعث ایشز سیریز سے باہر ہو چکے ہیں۔
