انڈر 19 سہ ملکی سیریز: پاکستان کا زمبابوے کو جیت کیلئے 355 رنز کا ہدف
ہرارے: (دنیا نیوز) انڈر 19 سہ ملکی سیریز کے تیسرے میچ میں پاکستان نے زمبابوے کو جیت کے لیے 355 رنز کا ہدف دے دیا۔
ہرارے سپورٹس کمپلیکس میں کھیلے جارہے میچ میں زمبابوے نے ٹاس جیت کر پاکستان کو پہلے بیٹنگ کرنے کی دعوت دی، پہلے بیٹنگ کرتے ہوئے پاکستان میں مقررہ 50 اوورز میں 7 وکٹوں کے نقصان پر 354 رنز بنائے۔
پاکستان کی جانب سے سمیر منہاس نے 142 اور عثمان خان نے 121 رنز کی شاندار اننگز کھیلی، حذیفہ احسن نے 54 رنز بنائے۔
زمبابوے کی جانب سے کربی مدھارامیتے نے 3، پناشی مزئی نے 2 بینی زوزی اور دھروو پٹیل نے ایک ایک وکٹ حاصل کی۔
