جنوبی وزیرستان: دو گروپوں میں تصادم سے 3 افراد جاں بحق، 3 زخمی
جنوبی وزیرستان: (دنیا نیوز) دو مسلح گروپوں میں تصادم کے دوران فائرنگ سے 3 افراد جاں بحق ہوگئے۔
پولیس ذرائع کے مطابق جنوبی وزیرستان لوئر کے علاقے دزہ غونڈے میں فریقین کے درمیان فائرنگ کا تبادلہ ہوا جس میں 3 افراد جاں بحق اور 3 زخمی ہوگئے۔
پولیس نے کہا کہ جاں بحق ہونے والوں میں گل غنی، ظاہر افغانی اور نیاولی شامل ہیں، زخمیوں میں عبداللہ، محمد والی اور احمد زرنان شامل ہیں۔
پولیس نے کہا کہ جاں بحق اور زخمی ہونے والوں کو قریبی ہسپتال منتقل کر دیا گیا۔
