عالمی و مقامی سطح پر سونے کی قیمت میں بڑی کمی
کراچی: (دنیا نیوز) عالمی و مقامی سطح پر سونے کی قیمتوں میں بڑی کمی ریکارڈ کی گئی ہے۔
ملک بھر کی صرافہ مارکیٹوں کے مطابق فی تولہ سونے کی قیمت میں 10 ہزار 700 روپے کی کمی ہوئی جس کے بعد فی تولہ سونا 4 لاکھ 59 ہزار 462 روپے کا ہوگیا ہے۔
صرافہ مارکیٹوں کے مطابق 10 گرام سونے کا نرخ 9 ہزار 174 روپے کم ہو کر 3 لاکھ 93 ہزار 914 روپے ہو گیا۔
دوسری جانب عالمی مارکیٹ میں سونے کا بھاؤ 107 ڈالر کم ہوکر 4371 ڈالر فی اونس ہے۔
