2025: لاہور ایئر پورٹ پر مسافروں کی آمد و روانگی بارے اعداد و شمار جاری
لاہور: (دنیا نیوز) 2025 میں لاہور ایئرپورٹ پر مسافروں کی آمد و روانگی سے متعلق اعداد و شمار جاری کر دیئے گئے۔
سال 2025 کے دوران ایف آئی اے امیگریشن نے لاہور ایئرپورٹ پر بین الاقوامی آمد اور روانگی پر 5.1 ملین مسافروں کی امیگریشن کو کامیابی سے پروسیس کیا۔
2025 کے دوران 12357پروازوں سے 2.6 ملین مسافر لاہور ائرپورٹ سے روانہ ہوئے، اسی دوران 12338 پروازوں سے 2.5 ملین مسافر مختلف ممالک سے لاہور ایئرپورٹ پہنچے۔
سال 2025 کے دوران ایف آئی اے امیگریشن لاہور نے سنگین جرائم میں مطلوب 242 ملزمان کو گرفتار کیا، گرفتار ملزمان میں 73 ملزمان کو بیرون ملک فرار ہونے پر جبکہ 169 ملزمان کو پاکستان پہنچنے پر گرفتار کیا گیا۔
گرفتار ملزمان کے نام سٹاپ لسٹ میں شامل تھے، گرفتار ملزمان میں 130 پنجاب پولیس، 105 ملزمان اینٹی ہیومن ٹریفکنگ سرکلز کو مطلوب تھے، گرفتار ملزمان میں 6 کے پی پولیس جبکہ 1 ملزم اسلام آباد پولیس کو مطلوب تھا۔
2025 کے دوران جعلی دستاویزات پر 121 مسافروں کو بیرون ملک جانے سے روک دیا گیا، انسانی سمگلنگ جیسے گھناؤنے جرم کی روک تھام کے لئے خصوصی اقدامات کئے گئے۔
لاہور ایئرپورٹ پر تعینات امیگریشن حکام کے لئے انٹرنیشنل اداروں کی معاونت سے 28 ٹریننگ کا انعقاد کیا گیا، سال 2025 میں 200 سے زائد امیگریشن افسران کو انسانی سمگلنگ کی روک تھام کے حوالے سے خصوصی ٹریننگ دی گئی۔
