بورے والا: 31 مقدمات میں ریکارڈ یافتہ ملزم مبینہ پولیس مقابلے میں ہلاک
بورے والا: (دنیا نیوز) پل ڈوگراں 459 ای بی کے قریب مبینہ پولیس مقابلے میں 31 مقدمات میں ریکارڈ یافتہ ملزم ہلاک ہوگیا۔
پولیس کے مطابق مشکوک موٹر سائیکل سواروں کو رکنے کا اشارہ کیا گیا، تاہم ملزمان نے رکنے کی بجائے پولیس پر فائرنگ کر دی، پولیس کی جانب سے حقِ حفاظتِ خوداختیاری کے تحت جوابی فائرنگ کی۔
پولیس نے بتایا کہ فائرنگ کے دوران ایک ملزم اپنے ہی ساتھیوں کی گولیاں لگنے سے ہلاک ہوگیام جبکہ 2 ملزمان اندھیرے کا فائدہ اٹھاتے ہوئے فرار ہوگئے، فیس ٹریس ایپ اور سی آر او کے ذریعے ہلاک ملزم کی شناخت غلام نبی ولد غلام رسول کے نام سے ہوئی۔
ہلاک ملزم کے قبضے سے ناجائز پستول 30 بور اور 2 چوری شدہ موبائل فونز برآمد ہوئے، ہلاک ملزم لاہور اور وہاڑی کے 31 مختلف مقدمات میں ریکارڈ یافتہ تھا، ملزم کی لاش کو پوسٹ مارٹم کیلئے ہسپتال منتقل کر دیا گیا۔
