پاکستان ریلوے نے 10 ارب روپے کا منافع کمایا ہے: حنیف عباسی
راولپنڈی: (دنیا نیوز) وزیرِ ریلوے حنیف عباسی کا کہنا ہے کہ پاکستان ریلوے نے 10 ارب روپے کا منافع کمایا ہے۔
راولپنڈی میں میڈیا سے گفتگو کرتے ہوئے حنیف عباسی نے کہا کہ ہزارہ ڈویژن سے سال کے آخر تک نیا ٹریک شروع کرنے جا رہے ہیں۔
حنیف عباسی کا کہنا ہے کہ ریلوے کو وسطِ ایشیائی ریاستوں سے منسلک کرنے جا رہے ہیں، اس سال کے آخر میں اس منصوبے کی بنیاد رکھنے جا رہے ہیں، پاکستان پر حق ان کا ہے جو اپنی جانوں کے نذرانے پیش کر رہے ہیں، پوری دنیا پاکستان کی فتح کی معترف ہے۔
وفاقی وزیر کا کہنا تھا کہ راولپنڈی میں سکولوں، کالجوں اور ہسپتالوں کی اپ گریڈیشن کی جا رہی ہے۔
