قیدی وین سے فرار ملزمان کی گرفتاری کیلئے آپریشن میں اہم کامیابی، 3دوبارہ پکڑے گئے
راولپنڈی:(دنیا نیوز) پنجاب کے شہر راولپنڈی پولیس نے قیدی وین سے فرار ہونے والے مزید تین ملزمان کو گرفتار کر لیا ہے۔
پولیس کے مطابق گرفتار ملزمان میں ضیغم شاہ، عادل شاہ اور احتشام شاہ شامل ہیں جنہیں گرینڈ آپریشن کے دوران گرفتار کیا گیا۔
تازہ کارروائیوں کے بعد گرفتار کیے جانے والے فرار قیدیوں کی مجموعی تعداد سات ہو گئی ہے، جبکہ باقی سات فراری ملزمان کی گرفتاری کے لیے پولیس کا سرچ آپریشن بدستور جاری ہے۔
پولیس کا کہنا ہے کہ باقی ماندہ ملزمان کی گرفتاری کے لیے مختلف علاقوں میں چھاپے مارے جا رہے ہیں اور آپریشن کو مزید مؤثر بنایا گیا ہے۔
