آسٹریلیا ویمنز ٹیم نے ساتویں بار ٹی 20 ورلڈ کپ کا ٹائٹل اپنے نام کرلیا
لارڈز: (دنیا نیوز) آسٹریلیا نے آئی سی سی ویمنز ٹی ٹوئنٹی ورلڈ کپ 2026 کے فائنل میں انگلینڈ کو 7 وکٹوں سے شکست دے کر ریکارڈ ساتویں مرتبہ عالمی ٹائٹل اپنے نام کر لیا۔
فائنل میں انگلینڈ نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 150 رنز بنائے اور آسٹریلیا کو جیت کے لیے 151 رنز کا ہدف دیا۔
ہدف کے تعاقب میں آسٹریلین ویمن ٹیم نے شاندار بیٹنگ کا مظاہرہ کرتے ہوئے 3 وکٹوں کے نقصان پر مطلوبہ ہدف حاصل کر لیا اور عالمی اعزاز اپنے نام کر لیا۔
آسٹریلیا کی کامیابی میں بیتھ مونی نے 64 رنز کی عمدہ اننگز کھیلی، جبکہ فوبی لیچ فیلڈ نے 48 رنز بنا کر اہم کردار ادا کیا۔
اس سے قبل انگلینڈ کی جانب سے کپتان نیٹ سکیور برنٹ نے 58 رنز کی نمایاں اننگز کھیلی تھی، تاہم ان کی کوشش ٹیم کو فتح دلانے کے لیے کافی ثابت نہ ہو سکی۔
اس فتح کے ساتھ آسٹریلین ویمن ٹیم نے ریکارڈ ساتویں مرتبہ آئی سی سی ویمنز ٹی ٹوئنٹی ورلڈ کپ کا ٹائٹل اپنے نام کر کے عالمی ویمن کرکٹ میں اپنی برتری مزید مستحکم کر دی۔
