اسلام آباد کے مختلف علاقوں میں گرج چمک کیساتھ موسلادھار بارش، ژالہ باری
اسلام آباد: (دنیا نیوز) اسلام آباد کے مختلف علاقوں میں گرج چمک کے ساتھ موسلادھار بارش ہوئی، مختلف مقامات پر ژالہ باری سے گاڑیوں کو نقصان پہنچا۔
محکمہ موسمیات نے جڑواں شہروں میں مزید بارش کی پیشگوئی کر دی، بٹگرام کے علاقے کنڈالائی میں کلاؤڈ برسٹ، سیلابی ریلے سے 15 گھر تباہ ہو گئے، رابطہ سڑکیں بہہ گئیں۔
سیلابی ریلے میں بہہ جانے والے چار سالہ بچے کی لاش مل گئی، سات سالہ بچی کی تلاش جاری ہے، اورکزئی کے مختلف علاقوں میں بارش اور ژالہ باری ہوئی، تیار فصلوں کو شدید نقصان پہنچا۔
صوابی شہر اور گردو نواح میں بھی بارش ہوئی، ہری پور سمیت تحصیل خانپور اور تحصیل غازی میں بارش ہوئی، متعدد فیڈر ٹرپ کر گئے، بجلی کی فراہمی معطل ہوگئی۔
Comments / رائے دیں
Share your thoughts. Comments are reviewed before they appear publicly.
Approved Comments