×

دنیا

ریاض کے کنگ خالد ایئرپورٹ پر حملہ، ایک پاکستانی جاں بحق، 11 افراد زخمی

بند کریں

ریاض: (دنیا نیوز) ریاض کے کنگ خالد انٹرنیشنل ایئرپورٹ پر حملے میں ایک پاکستانی جاں بحق جبکہ 11 افراد زخمی ہوگئے۔

سعودی عرب کی جنرل اتھارٹی آف سول ایوی ایشن نے کہا ہے کہ ریاض انٹرنیشنل ایئرپورٹ پر ہونے والے پروجیکٹائل حملے کے نتیجے میں ایک پاکستانی شہری جاں بحق ہو گیا ہے۔

سول ایوی ایشن اتھارٹی کی جانب سے جاری کردہ اعلامیے کے مطابق اس حملے کے نتیجے میں مزید 11 افراد زخمی بھی ہوئے ہیں جنہیں فوری طور پر ضروری طبی امداد کی فراہمی کے لیے ہسپتال منتقل کر دیا گیا ہے۔

بیان میں مزید بتایا گیا ہے کہ حملے سے ایئرپورٹ کو مادی نقصان بھی پہنچا ہے جس کا جائزہ اور تخمینہ لگانے کا کام فی الوقت جاری ہے، ترجمان نے کہا حوثی باغیوں کی طرف سے فائر کئے گئے ایک میزائل کو فضا میں ہی ناکارہ بنادیا گیا ہے۔

خیال رہے کہ ہفتے کے روز بھی ریاض کے ایئرپورٹ پر حوثیوں کے حملے میں 13 افراد جاں بحق جبکہ 300 سے زائد زخمی ہوگئے تھے۔