صنعا میں ممکنہ کارروائی کی تیاری، شہریوں کو مخصوص علاقے خالی کرنے کی ہدایت
ریاض: (دنیا نیوز) سعودی فوجی اتحاد نے یمن کے دارالحکومت صنعا میں حوثی ملیشیا کے خلاف ممکنہ آپریشن سے قبل شہریوں کو یمنی آئل کمپنی اور سینٹرل سباحہ اسٹیشن کے اطراف سے انخلا کی ہدایت جاری کردی ہے۔
سعودی اتحاد کے ترجمان ترکی المالکی نے شہریوں سے اپیل کی ہے کہ صنعا میں ممکنہ حملے سے قبل نشان زدہ علاقے کو فوری طور پر خالی کردیں۔
ترکی المالکی کے مطابق شہریوں کی حفاظت کے پیش نظر ممکنہ ہدف کی نشاندہی کرنے والا نقشہ بھی جاری کردیا گیا ہے، جس میں مخصوص علاقے کو خالی کرنے کی ہدایت کی گئی ہے۔
دوسری جانب حوثی ملیشیا کے ترجمان نے دھمکی دی ہے کہ اگر صنعا پر حملہ کیا گیا تو ریاض کو سخت اور تکلیف دہ جواب دیا جائے گا۔
Comments / رائے دیں
Share your thoughts. Comments are reviewed before they appear publicly.
Approved Comments