×

تفریح

بھارتی گلوکار کرشناراج 75 برس کی عمر میں چل بسے، فلمی دنیا سوگوار

بند کریں

نئی دہلی: (ویب ڈیسک) معروف تامل گلوکار کرشناراج 75 برس کی عمر میں چنئی میں انتقال کرگئے، تامل ناڈو کے وزیراعلیٰ وجے نے ان کی موت کو افسوسناک قرار دیا ہے۔

کرشناراج راماسامی جمعرات کو چنئی میں چل بسے۔ تامل فلمی موسیقی کے مداحوں کے لیے یہ ہفتہ سوگوار ثابت ہوا، کیونکہ معروف موسیقار دیوا 17 اکتوبر جبکہ ان کے بھتیجے اور اداکار کارتھک سبیش 20 اکتوبر کو انتقال کرگئے تھے۔ کرشناراج اور دیوا نے مل کر کئی یادگار گیت تخلیق کیے۔

گلوکارہ انورادھا سری رام نے چنئی میں کرشناراج کی رہائش گاہ پہنچ کر ان کے اہلِ خانہ سے تعزیت کی، جبکہ اداکار سرتھ کمار نے بھی گلوکار کے ساتھ گزرے وقت کو یاد کیا۔ ان کے مطابق کرشناراج نے 300 سے زائد گیت ریکارڈ کرائے تھے۔

کرشناراج نے موسیقی کے شعبے میں آنے سے پہلے بطور ویور کام کیا۔ بعد ازاں انہوں نے موسیقی کی تربیت حاصل کی اور مختلف ساز بجانا سیکھے۔ فلمی دنیا میں موقع ملنے کی کوششوں کے دوران وہ مختلف موسیقی کے گروپوں کے ساتھ گاتے رہے۔

1990 کی دہائی میں انہیں نمایاں کامیابی حاصل ہوئی اور کرشناراج و دیوا کی جوڑی نے 2000 کی دہائی تک کئی مقبول گیت پیش کیے۔

1997 میں ریلیز ہونے والی فلم ’’پورکالم‘‘ کا گیت ’’تھنجاوورو مانو ایڈتھو‘‘ آج بھی یادگار سمجھا جاتا ہے۔ یہ گیت سنگاپور کے سابق صدر ایس آر ناتھن کی آخری رسومات کے موقع پر بھی پیش کیا گیا تھا، جو ان کی آخری خواہشات میں سے ایک پوری کرنے کے لیے تھا۔

گلوکارہ چنمئی، سجاتھا موہن، انورادھا سری رام اور دیگر فنکاروں نے بھی کرشناراج کے انتقال پر افسوس کا اظہار کیا۔