ملک میں پہلے ورچوئل ویمن پولیس سٹیشن ’’میری آواز، مریم نواز‘‘ کا افتتاح
لاہور: (دنیا نیوز) وزیراعلیٰ پنجاب مریم نواز نے ملک کے پہلے ورچوئل ویمن پولیس سٹیشن ’میری آواز، مریم نواز‘ کا افتتاح کر دیا۔
لاہور کے 50 مقامات پر فری وائی فائی پراجیکٹ کا بھی افتتاح کردیا گیا، جبکہ لاہور میں 100جدید ایمرجنسی پینک 15 بٹن کا بھی اجراء کیا گیا ہے۔
وزیراعلیٰ مریم نواز کی خصوصی ہدایات پر پنجاب سیف سٹی اتھارٹی میں ورچوئل ویمن پولیس سٹیشن قائم کیا گیا، ورچوئل ویمن پولیس سٹیشن میں آئی ٹی گریجویٹ خاتون پولیس کمونیکیشن افسران کو تعینات کیا گیا، مریم نواز نے کہا کہ ورچوئل ویمن پولیس سٹیشن میں خواتین کی ہراسگی سمیت تمام درپیش مسائل کو ترجیحی بنیادوں پر حل کیا جائے گا۔
یہ بھی پڑھیں: نارووال میں جاں بحق لیگی کارکن کے قاتلوں کو گرفتار کرلیا: وزیراعلیٰ پنجاب
وزیراعلیٰ پنجاب مریم نواز نے کہا کہ خواتین 15 کال، ویمن سیفٹی ایپ لائیو چیٹ فیچر، ویڈیو کال فیچر، پنجاب پولیس ایپ اور سیف سٹی ویب پورٹل کے ذریعے ورچوئل پولیس سے رابطہ کر سکتی ہیں، ورچوئل ویمن پولیس سٹیشن میں خواتین نام اور پتہ ظاہر کئے بغیر مکمل رازداری اور اعتماد کے ساتھ اپنا مسئلہ شیئر کرسکتی ہیں۔
.jpg)
مریم نواز نے کہا کہ ورچوئل ویمن پولیس سٹیشن کی بدولت خواتین کو غیر ضروری طور پر تھانے کے چکر نہیں لگانا ہوں گے، ورچوئل ویمن پولیس سٹیشن میں لائیو ویڈیو کال فیچر بھی متعارف کروا گیا ہے، خواتین ویڈیو کال فیچر کے ذریعے بھی اپنی لوکیشن سمیت درپیش مشکلات کی نشاندہی کر سکتی ہیں۔
یہ بھی پڑھیں: خصوصی افراد کیلئے ’ہمت کارڈ‘ اور بیت المال کے تحت ’نگہبان کارڈ‘ کے اجراء کا فیصلہ
وزیراعلیٰ پنجاب نے کہا کہ ورچوئل ویمن پولیس سٹیشن خواتین کو ایف آئی آر کے اندراج سے انویسٹی گیشن اور ٹرائل کے تمام مراحل میں رہنمائی فراہم کرے گا۔
مریم نواز نے کہا کہ لاہور بھر میں 50 سے زائد مقامات پر’’سی ایم مریم نواز فری وائی فائی‘‘ سروس کا بھی آغاز کردیا گیا ہے، یونیورسٹی، کالجوں، مارکیٹوں، چوراہوں اور بازاروں میں نصب پینک 15 بٹن دبا کر فوراً سیف سٹی سے رابطہ ممکن ہے۔
یہ بھی پڑھیں: وزیراعلیٰ مریم نواز نے مری کی ڈویلپمنٹ کیلئے جامع پلان طلب کر لیا
وزیراعلیٰ پنجاب کو بریفنگ میں بتایا گیا جرائم، پولیس افسر اور اہلکاروں کے خلاف آئی جی 1787 پر شکایت کا میکنزم فنکشنل کر دیا گیا، 1787 ہیلپ لائن اور سیف سٹی اتھارٹی ویب پورٹل پر شناخت ظاہر کئے بغیر شکایت کی جا سکتی ہے۔
وزیر اعلیٰ پنجاب نے ورچوئل ویمن پولیس سٹیشن کا دورہ کیا اور مشاہدہ کیا، وزیراعلیٰ مریم نواز نے ویمن کمیونیکشن آفیسر سے ملاقات اور گفتگو کی، خواتین آفیسر کے لئے ہوسٹل اور ڈے کیئر سینٹر کی جلد تکمیل کی بھی ہدایت کی، وزیراعلیٰ مریم نواز کو سیف سٹی پراجیکٹس کے بارے میں تفصیلی بریفنگ بھی دی گئی۔
یہ بھی پڑھیں: ’صحتمند پنجاب‘ وژن کے تحت ہیلتھ ریفارمز کا آغاز کر دیا: مریم نواز
سینئر صوبائی وزیر مریم اورنگزیب، وزیرا طلاعات و ثقافت عظمیٰ بخاری، سینیٹر پرویز رشید، چیف سیکرٹری، انسپکٹرجنرل پولیس اور دیگر متعلقہ حکام بھی اس موقع پر موجود تھے۔
.jpg)
