ڈپٹی کمشنر اسلام آباد کیخلاف توہین عدالت کی درخواست کل سماعت کیلئے مقرر
اسلام آباد: (دنیا نیوز) پی ٹی آئی کو اسلام آباد میں جلسے کی اجازت نہ دینے کے معاملہ پر ڈپٹی کمشنر اسلام آباد عرفان نواز میمن کیخلاف توہین عدالت کی درخواست اسلام آباد ہائی کورٹ میں کل سماعت کے لیے مقرر ہو گئی۔
چیف جسٹس عامر فاروق تحریک انصاف اسلام آباد کے صدر عامر مغل کی درخواست پر کل سماعت کریں گے۔
درخواست میں کہا گیا ہے کہ اسلام آباد ہائیکورٹ نے ڈی سی اسلام آباد کو 2 دن میں جلسے کی اجازت سے متعلق درخواست پر فیصلہ کرنے کا حکم دیا تھا۔
دو ماہ گزر جانے کے باوجود ڈی سی اسلام آباد نے جلسے کی درخواست پر فیصلہ جاری نہیں کیا، ڈی سی اسلام آباد عدالتی احکامات کی خلاف ورزی پر توہین عدالت کے مرتکب ہوئے ہیں۔
درخواست کے مطابق ڈی سی اسلام آباد کیخلاف عدالتی حکم عدولی پر توہین عدالت کی کارروائی کا آغاز کیا جائے، 8 جون کو فاطمہ جناح پارک میں عوامی اجتماع کے انعقاد کیلئے این او سی جاری کرنے کا حکم دیا جائے۔
