مغربی ہواؤں کا سلسلہ 22 اکتوبر سے ملک میں داخل ہوگا
لاہور: (دنیا نیوز) مغربی ہواؤں کا سلسلہ 22 اکتوبر سے ملک میں داخل ہوگا۔
محکمہ موسمیات کے مطابق صوبائی دارالحکومت لاہور کا آج کم سے کم درجہ حرارت 21 جبکہ زیادہ سے زیادہ 34 ڈگری سینٹی گریڈ تک جانے کا امکان جبکہ شہر کا موجودہ درجہ حرارت 23 ڈگری سینٹی گریڈ ریکارڈ کیا گیا ہے۔
اعداد و شمار کے مطابق ہوا کی رفتار 8 کلومیٹر فی گھنٹہ ریکارڈ کی گئی، ہوا میں نمی کا تناسب 67 فیصد تک جا پہنچا ہے۔
ڈائریکٹر محکمہ موسمیات اختر محمود کا کہنا ہے کہ مغربی ہواؤں کا سلسلہ 22 اکتوبر سے ملک میں داخل ہوگا، 22 اکتوبر سے شمالی علاقہ جات میں بارش برسنے کے امکانات ہیں۔
انہوں نے کہا کہ مغربی ہوائیں ملک میں داخل ہونے کے باعث لاہور میں موسم مزید بہتر ہو جائے گا مگر بارش برسنے کے کوئی امکانات نہیں۔
