سپریم کورٹ بار انتخابات 25-2024 کے حتمی نتائج کا اعلان
اسلام آباد: (دنیا نیوز) سپریم کورٹ بار انتخابات 25-2024 کے کامیاب امیدواروں کے حتمی نتائج جاری کر دیئے گئے ۔
نوٹیفکیشن کے مطابق سپریم کورٹ بار کے منتخب عہدیداران اور ایگزیکٹو کمیٹی کے اراکین یکم نومبر سے کام شروع کریں گے، نائب صدر (سندھ) کا معاملہ تاحال عدالت میں زیر سماعت ہے۔
سپریم کورٹ بار کے نوٹیفکیشن کے مطابق صدر میاں محمد رؤف عطا نے انتخابات میں 1637، نائب صدر (بلوچستان) محمد اسحاق نوتزئی نے 1499، نائب صدر (کے پی کے) محمد حبیب قریشی نے 1495 اور نائب صدر (پنجاب) رانا غلام سرور نے 1654 ووٹ لیے۔
نوٹیفکیشن میں بتایا گیا کہ سیکرٹری سلمان منصور نے انتخابات میں 1785، ایڈیشنل سیکرٹری محمد اورنگزیب خان نے 1628 جبکہ فنانس سیکرٹری چودھری تنویر نے 1599 ووٹ لیے۔
