پنجاب بھر کے سرکاری سکولوں کے نئے اوقاتِ کار کا نوٹیفکیشن جاری
لاہور: (دنیا نیوز) پنجاب بھر کے سرکاری سکولوں کے نئے اوقاتِ کار کا نوٹیفکیشن جاری ہو گیا۔
سکول ایجوکیشن ڈیپارٹمنٹ نے نظرثانی شدہ اوقات کا اعلان کر دیا، نئے اوقات کا اطلاق 19 جنوری سے 15 اپریل 2026 تک ہوگا۔
نوٹیفکیشن کے مطابق سنگل شفٹ سکولوں میں طلبہ کے لیے پیر تا جمعرات اوقات 10 سے 2 بج کر 15 منٹ، جمعہ کے روز سنگل شفٹ سکولوں میں تدریسی اوقات 10 سے 12 بج کر 30 منٹ ہوں گے۔
ڈبل شفٹ سکولوں میں مارننگ شفٹ 10 سے 2 بجے تک ہوگی، ڈبل شفٹ سکولوں کی آفٹر نون شفٹ 2 بج کر 15 منٹ سے 4 بج کر 45 منٹ تک ہو گی۔
اساتذہ کے لیے پیر تا جمعرات اوقات میں توسیع ، تیاری اور تربیتی سرگرمیاں شامل کی گئی ہیں، اساتذہ کو سی پی ڈی، تربیت اور نصابی سرگرمیوں کا پابند کیا گیا۔
نوٹیفکیشن کے مطابق متبادل ہفتہ (Alternate Saturday) کو اساتذہ کی حاضری لازمی ہو گی، سی ای اوز ایجوکیشن کو نوٹیفکیشن پر سختی سے عملدرآمد کی ہدایت کی گئی ہے۔
پنجاب حکومت کی طرف سے لڑکوں اور لڑکیوں کے سکولوں کے اوقات میں 15 منٹ کی ایڈجسٹمنٹ کا اختیار دیا گیا ہے۔
