ملک بھر میں انٹرنیٹ سروسز مکمل طور پر فعال رہیں گی، پی ٹی اے
لاہور: (ویب ڈیسک) پاکستان ٹیلی کمیونیکیشن اتھارٹی (پی ٹی اے) نے پیغام جاری کرتے ہوئے کہا ہے کہ 15 جنوری کو ملک بھر میں انٹرنیٹ سروسز مکمل طور پر فعال رہیں گی۔
پی ٹی اے کے مطابق انٹرنیٹ سروسز کے متاثر ہونے سے متعلق پھیلائی جانے والی خبریں غلط اور بے بنیاد ہیں۔
اتھارٹی کا کہنا ہے کہ روٹین سب میرین کیبل کی دیکھ بھال کا عمل جاری ہے تاہم اس سے انٹرنیٹ سروسز متاثر نہیں ہوں گی۔
پی ٹی اے نے مزید بتایا کہ انٹرنیٹ سروسز کے تسلسل اور معیار کو یقینی بنانے کے لیے نیٹ ورکس کی مسلسل نگرانی کی جا رہی ہے۔
