بلوچستان میں دہشتگردی: وفاقی وزیرداخلہ کا کور ہیڈ کوارٹرز کوئٹہ کا دورہ
کوئٹہ: (دنیا نیوز) بلوچستان میں دہشتگردی کے واقعات، وفاقی وزیر داخلہ محسن نقوی نے کور ہیڈ کوارٹرز کوئٹہ کا دورہ کیا۔
وزیر داخلہ محسن نقوی کو فتنہ الہندوستان کے دہشتگرد حملوں اور سکیورٹی صورتحال کے حوالے سے بریفنگ دی گئی۔
.jpg)
بریفنگ میں وزیر اعلیٰ بلوچستان سرفراز بگٹی اور کورکمانڈر بلوچستان بھی شریک ہوئے، وزیر داخلہ نے سکیورٹی فورسز کی فتنہ الہندوستان کے خلاف بروقت اور موثر کارروائی کو سراہا۔
وزیر داخلہ نے دہشتگردی کے حملوں میں شہید ہونے والے اہلکاروں اور شہریوں کو خراج تحسین پیش کیا۔
محسن نقوی نے کہا کہ شہدا نے اپنی جانیں قربان کر کے دہشتگردوں کے ناپاک عزائم کو ناکام بنایا، دہشتگردی کے خلاف جاری جنگ آخری دہشتگرد کے خاتمے تک جاری رہے گی۔
