لاہور ہائیکورٹ کے مستقل ہونے والے 11 ججز نے حلف اٹھا لیا
لاہور: (دنیا نیوز) لاہور ہائیکورٹ کے مستقل ہونے والے 11 ججز نے اپنے عہدوں کا حلف اٹھا لیا۔
چیف جسٹس لاہور ہائیکورٹ عالیہ نیلم نے مستقل ہونے والے ججز سے عہدوں کا حلف لیا، تقریب میں وفاقی وزیر قانون اعظم نذیر تارڑ، ایڈوکیٹ جنرل پنجاب، پراسیکوٹر جنرل پنجاب سمیت دیگر سنئیر وکلا نے شرکت کی۔
جسٹس حسن نواز مخدوم ، جسٹس ملک وقار حیدر اعوان ، جسٹس سردار علی اکبر اور جسٹس احسن رضا کاظمی، جسٹس ملک جاوید اقبال وینس، جسٹس محمد جواد ظفر، جسٹس خالد اسحاق، جسٹس ملک اویس خالد اور جسٹس سلطان محمود نے حلف اٹھا لیے۔
ان کے علاوہ جسٹس تنویر احمد شیخ اور جسٹس عبہر گل خان نے بھی لاہور ہائیکورٹ میں مستقل ججز کے حلف اٹھا لیے۔
