اسرائیلی اشتعال انگیزی سے شروع جنگ کی قیمت پوری دنیا ادا کر رہی ہے: اردوان
انقرہ: (دنیا نیوز) ترک صدر رجب طیب اردوان نے کہا ہے کہ اسرائیل کی اشتعال انگیزی سے شروع ہونے والی جنگ کی قیمت پوری دنیا ادا کر رہی ہے۔
رجب طیب اردوان کے مطابق جنگ کا خمیازہ ایرانی عوام اور خلیجی ممالک کے ساتھ ساتھ پوری دنیا کو بھگتنا پڑ رہا ہے۔
انہوں نے کہا کہ اسرائیل کے جھوٹ اور تخریبی کارروائیوں نے اسلام آباد معاہدے کو نقصان پہنچایا، جبکہ اس معاہدے سے خطے میں ایک عرصے کے لیے سکون پیدا ہوا تھا۔
ترک صدر نے خبردار کیا کہ اگر امن کے ہر امکان کو خطرہ سمجھنے والی انتہا پسند سوچ تبدیل نہ ہوئی تو خطے کا بحران ختم نہیں ہوگا۔
اردوان نے خطے میں پائیدار امن کے لیے اشتعال انگیزی اور انتہا پسندی کے بجائے مذاکرات اور تعاون کی ضرورت پر زور دیا۔
Comments / رائے دیں
Share your thoughts. Comments are reviewed before they appear publicly.
Approved Comments