ایران کو دھمکیوں سے امریکا کو کوئی فائدہ نہیں ہوگا:خامنہ ای
تہران(اے ایف پی)ایران کے سپریم لیڈر خامنہ ای نے کہا ہے کہ ٹرمپ کی جانب سے ایران کو دھمکیوں کا امریکا کو کوئی فائدہ نہیں ہوگا۔
خامنہ ای نے ٹیلی ویژن پر براہ راست نشر ہونے والی تقریر میں کہا کہ امریکیوں کو جان لینا چاہیے کہ ایران کے ساتھ محاذ آرائی میں دھمکیاں کام نہیں آئیں گی۔انہوں نے کہا کہ اگر انہوں نے کوئی ایسا اقدام کیا جس سے ایرانی قوم کو نقصان پہنچے تو انہیں سخت دھچکا لگے گا۔ خامنہ ای نے یہ بھی واضح کیا کہ یورپی اور امریکی سیاست دان حوثیوں کو ایران کے ایجنٹ قرار دینے میں غلط ہیں۔یاد رہے امریکی صدر ٹرمپ نے ایرانی سپریم لیڈر کو خط لکھا ہے جس میں انہیں نئے ایٹمی معاہدے تک پہنچنے کیلئے دو ماہ کی مہلت دی گئی ہے ۔
روزنامہ دنیا ایپ انسٹال کریں
