انجلینا جولی کا سیاہ فاموں سے اظہاریکجہتی ، خطیر رقم کا عطیہ
اداکارہ نے مہم بلیک لائیوز میٹر (سیاہ فام زندگیاں اہم ہیں) کی حمایت بھی کردی
لاس اینجلس (شوبز ڈیسک )ہالی ووڈ کی اداکارہ انجلینا جولی نے اپنی 45ویں سالگرہ کے دن دنیا بھر میں موجود سیاہ فاموں سے اظہار یکجہتی کرتے ہوئے ان کیلئے 2لاکھ ڈالر(3کروڑ 27لاکھ روپے پاکستانی)کی رقم عطیہ کردی ۔ انجلینا جولی نے اپنی سالگرہ کے موقع پر شہری حقوق کی تنظیم این اے اے سی پی کو دو لاکھ ڈالر کا چیک دیا ، انہوں نے دنیا بھر میں موجود سیاہ فام کمیونٹی سے اظہار یکجہتی کرتے ہوئے تیزی سے مقبول ہوتی مہم بلیک لائیوز میٹر (سیاہ فام زندگیاں اہم ہیں) کی حمایت کی اور گورے امریکی پولیس اہلکاروں کے ہاتھوں سیاہ فام جارج فلائیڈ کی موت پر افسوس کا اظہار کیا۔
روزنامہ دنیا ایپ انسٹال کریں
