شوبز انڈسٹری میں اقربا پروری نہیں:سونیا حسین
![شوبز انڈسٹری میں اقربا پروری نہیں:سونیا حسین](https://dunya.com.pk/news/2024/September/09-04-24/news_big_images/2402042_31194881.jpg)
لاہور(شوبز ڈیسک )شوبز انڈسٹری کی اداکارہ سونیا حسین نے شوبز انڈسٹری میں اقربا پروری جیسے عوامل کی موجودگی سے انکار کر دیا۔
ان کا کہنا ہے کہ انڈسٹری میں جگہ بنانے کے لیے تعلقات کا ہونا ضروری نہیں یہ سب بہانے ہیں آپ کو اپنا کام آنا چاہئے ۔ایک پروگرام میں دورانِ انٹرویو انہوں نے بیشتر فنکاروں کی جانب سے کام نہ ملنے یا پھر لیڈ رول نہ ملنے کی شکایات کو بے سبب قرار دیا اور کہا کہ انڈسٹری میں فیورٹ ازم ضرور ہے لیکن مجھے نہیں لگتا کہ انڈسٹری میں اقربا پروری جیسی کوئی چیز ہے ، یا پھر صرف گورے رنگ کو فوقیت دی جاتی ہے ، بلکہ جو کام کرنا جانتا ہے وہ اپنی جگہ اپنے کام کی بنیاد پر بنا سکتا ہے ۔ سونیا حسین نے اس بات پر زور دیا کہ محنت بالآخر رنگ دیتی ہے اور نئے آنے والوں کو مشورہ دیا کہ وہ بہانے بنانے سے گریز کریں اور سخت محنت پر توجہ دیں۔